Azken hiru asteak (13., 14. eta 15.)

Ikastaroaren azken txanpan gaude eta trena gainera datorkigu.



Hona hemen laburpena:

Astea	Gaia	Data	Zer
13.	Fitxategiak	2023/04/24	(T)
13.	(Azp3) arrayak, erregistroak eta fitxategiak	2023/04/24	(M)
13.	(Azp1) arrayak, erregistroak eta fitxategiak	2023/04/25	(M)
13.	(Azp2) arrayak, erregistroak eta fitxategiak	2023/04/26	(M)
13.	(Azp3) fitxategiak, 11:30-13:30 [P0B9I]	2023/04/27	(t)
13.	Fitxategiak	2023/04/28	(T)
14.	(Azp1) fitxategiak	2023/05/02	(L)
14.	(Azp2) fitxategiak	2023/05/03	(L)
14.	Denetarik, 11:30-13:30 [P0A6A]	2023/05/04	(t)
14.	Fitxategiak	2023/05/05	(T)
15.	Fitxategiak eta test ariketak	2023/05/08	(T)
15.	(Azp3) proiektuari lotutako froga	2023/05/08	(M)
15.	(Azp1) proiektuari lotutako froga	2023/05/09	(M)
15.	(Azp2) proiektuari lotutako froga	2023/05/10	(M)
15.	Denetarik, 11:30-13:30 [P0A6A]	2023/05/11	(t)
15.	Azterketak eta test ariketak	2023/05/12	(T)
-	Azterketa, maiatzeko deialdia	2023/05/24	-
-	Azterketa, uztaileko deialdia	2023/06/30	-
(L) Laborategia                          (M) Mintegia                          (T) Teoria                          (t) Tutoretza

Ez dadila hau gertatu:

 

Hurrengo bi asteak (11. eta 12.)

Egutegia gogoratuz, ikastaroak aurrera darrai eta laster Udaberriko Oporraldia helduko da. Hona hemen hurrengo bi asteetan egiteko daukagunaren laburpena:

Astea	Gaia	Data	Zer
11.	RECORD datu-mota	2023/04/03	(T)
11.	(Azp3) arrayak eta erregistroak	2023/04/03	(L)
11.	(Azp1) arrayak eta erregistroak	2023/04/04	(L)
11.	(Azp2) arrayak eta erregistroak	2023/04/05	(L)
Udaberriko geldiunea
12.	FILE datu-mota	2023/04/17	(T)
12.	(Azp3) proiektua	2023/04/17	(L)
12.	(Azp1) proiektua	2023/04/18	(L)
12.	(Azp2) proiektua	2023/04/19	(L)
12.	FILE datu-mota	2023/04/21	(T)
(L) Laborategia                          (M) Mintegia                          (T) Teoria                          (t) Tutoretza

Eskola magistraletan hartutako sinaduren araberako grafikoa ikus dezakezu jarraian. Esan daiteke datu horiek beste urte batzuetan baino zertxobait hobeak direla:

  

Hurrengo bost asteak (6., 7., 8., 9. eta 10.)

Egutegia gogoratuz, ikastaroak aurrera darrai eta laster azterketa helduko da. Hona hemen hurrengo bost asteetan egiteko daukagunaren laburpena:

Astea	Gaia	Data	Non
6.	Errepikakorrak eta CHAR datu-mota	2023/02/27	(T)
6.	(Azp3) errepikakorrak	2023/02/27	(M)
6.	(Azp1) errepikakorrak	2023/02/28	(M)
6.	(Azp2) errepikakorrak	2023/03/01	(M)
6.	CHAR datu-mota eta azpiprogramak	2023/03/04	(T)
7.	Azpiprogramak: zergatik, zertarako	2023/03/06	(T)
7.	(Azp3) azpiprogramak: divide et impera	2023/03/06	(M)
7.	(Azp1) azpiprogramak: divide et impera	2023/03/07	(M)
7.	(Azp2) azpiprogramak: divide et impera	2023/03/08	(M)
7.	Azpiprogramak: divide et impera	2023/03/10	(T)
8.	Azpiprogramak eta STRING datu-mota	2023/03/13	(T)
8.	(Azp3) errepikakorrak eta karaktereak	2023/03/13	(L)
8.	(Azp1) errepikakorrak eta karaktereak	2023/03/14	(L)
8.	(Azp2) errepikakorrak eta karaktereak	2023/03/15	(L)
8.	STRING datu-mota	2023/03/17	(T)
9.	STRING datu-mota	2023/03/20	(T)
9.	(Azp3) Azpiprogramak eta kateak	2023/03/20	(M)
9.	(Azp1) Azpiprogramak eta kateak	2023/03/21	(M)
9.	(Azp2) Azpiprogramak eta kateak	2023/03/22	(M)
9.	STRING datu-mota eta ARRAY datu-mota	2023/03/24	(T)
10.	ARRAY datu-mota	2023/03/27	(T)
10.	(Azp3) bigarren kontrola	2023/03/27	(L)
10.	(Azp1) bigarren kontrola	2023/03/28	(L)
10.	(Azp2) bigarren kontrola	2023/03/39	(L)
10.	ARRAY datu-mota	2023/03/31	(T)
(L) Laborategia                              (M) Mintegia                               (T) Teoria

Gogoratu 10. astean azterketa izango duzuela:

• Azp1, 2023-03-27an


• Azp2, 2023-03-28an


• Azp3, 2023-03-39an

 

1. astetik 4. astera: Urte batetik bestera gauzak ez dira larregi aldatzen...

Aurreko lau ikasturteetan jasotako sinaduren kopuruak, eta, indarrean dagoen ikasturtean jasotako sinaduren kopuruak alderatuz gero, ikus daiteke zenbakiak oso berdintsuak zirela.



2018-19ko sinaduren kopuruak:

2019-20ko sinaduren kopuruak:

2020-21eko sinaduren kopuruak:

2021-22ko sinaduren kopuruak:

 


2018-19ko ikasturtean lortutako emaitza txarren arrazoietariko bat horixe zelakoan nago, hots, ikasle haien arduragakeria. 2018-19ko ikasturtean sekulako emaitzik txarrenak lortu zirenez talde bezala, normala zenez, 2019-20ko ikasturte berezian emaitzak hobetu ziren. 2020-21eko ikasturtean gauzak ez ziren larregi aldatu, ezta 2021-22ko ikasturtean. Ea aurton zer gertatzen den. Dagoeneko zenbakiak ez dira oso onak:




2022-23ko sinaduren kopuruak:

 

Ikasteko prozesuaren kostua

Informatika irakasgaian programazio-lengoaia bat ikasiko dugu, eta dagokion ikasteko kostua ondoko irudian erakusten da:

Ikasteko prozesuaren kostua lerro gorriaren bitartez adierazten da. Ikus daitekeenez hasiera erraza da eta gehiago konplikatzen da azpiprogramak gaiarekin; ondoren ikasteko lerroaren malda berriro apaltzen da, eta, bukaeran maldak gora egiten du fitxategiak gaiarekin batera. 

Bertan ikus daitekeen bezala, kontzeptu bat ikasten denean kurtso osoan erabiliko da, adibidez hasieran ikasten diren oinarriak kurtso bukaeraraino luzatzen da, gauza bera baldintzak gaiarekin (eta gainerako besteekin). Horregatik, ez da ahaztu behar programazio-lengoaia bat ikastean kontzeptuak pilatu egiten direla, hots, gai guztiak elkar loturik daudela, eta ondorioz gai bat erdizka ikastean gera daitezkeen gabeziak hurrengo beste gaietan antzematen direla.





Irudiaren ardatz horizontalean asteak adierazten dira, eta aste bakoitzean lantzen den gaia ere. Irudiaren ardatz bertikalean gai bakoitzaren zailtasuna adierazten da: azpiprogramak eta fitxategiak zailenak dira, errepikapenak gaia tartekoa da eta gainerako besteak errazak dira.

 

Egutegia

 

Ordutegiak

31. taldea	Tutoretzak	Eskola magistralak (31. taldea)	Eskola magistralak (31. taldea)
Ordutegia	astelehena   asteartea   asteazkena            10:00-12:00       09:00-12:00     11:00-12:00	astelehena 9:00-10:00	ostirala 8:00-9:00
Tokia	nire bulegoa P3B59	P0A9A	P0A9A
Asteak	15 aste	15 aste	15 aste

Urruneko tutoretzak hemen: https://ehu.webex.com/meet/jromo96

Hiru azpitaldeen ordutegiak hemen ikusi:

• 1. azpitaldearen ordutegia


• 2. azpitaldearen ordutegia


• 3. azpitaldearen ordutegia

 

Ikasketa-bektorea

Irakaskuntza motak hiru izango dira: eskola magistralak, mintegiak eta laborategiak.

Hona hemen irakasgaia eta dagozkion orduen banaketa:

Irakasgaia: 26570 - Informatika


Maila: 1.
Mota: Adarraren Oinarrizkoa
Kredituak: 6 ECTS (3+3)

Eskola mota	Magistralak (31. taldea)	Laborategiak (hiru azpitalde)
Ikasgelako orduak	30 (astero 2 ordu)	30 (astero 2 ordu)	60
Gainerako orduak	30 (astero 2 ordu)	60 (astero 4 ordu)	90
Guztira: 150 ordu	60	90	150

 

Ikaskuntza-gida

---

2022-23 Ikaskuntza-gida pdf formatuan.

---

Helburuak

Irakasgai honetan softwarearen garapena lantzen da. Prozesu honetan azpimarratzen da abstrakzioaren eta finketaren garrantzia, gero algoritmo bat garatzeko eta azkenean goi mailako lengoaiaren bidez inplementatzeko. Baita inplementatutako softwarearen egiaztapena eta arazketa ere kontuan hartzen dira. Ataza hauetarako konputagailuak erabiltzeaz gain, web zerbitzuak erabiltzen dira ere eta horrela ikasleak Informazioaren eta Komunikazioaren Teknologiekin (IKT) kontaktua izango du.

Horregatik, irakasgaiak bi arlo jorratzen ditu. Batetik, konputagailuen programazioaren metodologiak (abstrakzio funtzionala eta urrats-urratseko finketa) ikusten dira. Bestetik, programazioaren oinarriak lantzen dira, hauek ikasiz:

• Datu-mota soilak eta aurredefinituriko datu-motak (datu-mota estandarrak)


• Kontrol sententziak: sekuentzialak, baldintzazkoak eta iteratiboak
• Azpiprogramak


• Datu-mota egituratuak
• Datuen bilketa iraunkorra (fitxategiak)

Hau guztia goi-mailako lengoaia baten bitartez programatzen da.



Irakaskuntza motak hiru izango dira: eskola magistralak, mintegiak eta laborategiak. Eskola magistraletan kontzeptu teorikoak ematen dira, adibide praktikoak erakustea ahaztu gabe. Mintegiak eta laborategiak kontzeptu teorikoak finkatzeko erabiltzen dira, mintegietan taldeka lan eginez eta bakarka laborategian.

Mintegietan ikasleak talde txikietan antolatzen dira eta programen diseinuaz arduratzen dira batez ere (top-down metodologia eta abstrakzio funtzionala). Gero, laborategian, konputagailuaren aurreko praktikak egiten dira ariketen programazioa burutuz goi-mailako lengoaia baten bitartez. Lan egiteko etapak guztiz zehazturik daude: soluzioaren diseinua, kodifikazioa goi-mailako lengoaian, arazketa eta emaitzaren azterketa.



Irakasgai honetara ekarritako adibideak, ariketak eta proiektuak ingeniaritzarekin loturik daude, hots, benetako jarduera profesionalak izan zitezkeen. Bestalde, aipatutako adibide eta ariketa batzuk oinarrizko moduluaren gainontzeko irakasgaietatik hartuak dira. Dena dela, irakasgai honetan ikasitako kontzeptuak titulazioaren beste irakasgai batzuetan aplikagarriak dira.

---

Jasoko diren gaitasunak

Oinarrizko moduluan definiturik dagoen ondoko gaitasuna jorratzen du irakasgai honek: "Konputagailuen erabilpenaren eta programazioaren oinarrizko ezaguera, sistema eragileak, datu-baseak eta programa informatikoak ingeniaritzan". Bestalde, nola ez, irakasgai honek laguntzen du ere graduaren gaitasunak jasoak izan daitezen.

1. Oinarrizko gaitasunak

1.1. Ikasleek euren ezaguerak haien laneko esparruan aplikatzen jakingo dute; bide batez, lanbideko jardueran arazoak ebazteko eta argudioak erabiltzeko gai izango dira ikasleak
1.2. Ikaslea gai izango da norberaren etengabeko ikaskuntza planifikatzen eta gauzatzen

2. Moduluaren gaitasunak

2.1. Oinarrizko ezaguerak ondoko gaietan: konputagailuen erabilpenaren eta programazioaren oinarrizko ezaguera, sistema eragileak, datu-baseak eta programa informatikoak ingeniaritzan
2.2. Ikasleak ondoko ahalmenak garatu behar ditu: programa informatikoen abstrakzio funtzionala eta urrats-urratseko finketa

 

Blog baten zehar nola nabigatu

---

Blog batean informazio-zatiak argitaratzen dira eta informazio-zati horiei blog-artikulu esaten zaie (bai ere sarrera eta post). Blog-artikulu bati, edo laburrago hitz egitean artikulu bakoitzari Internet helbide bat dagokio eta horri esker artikulu jakin baten erreferentziak beste web gune batzuetan jar ditzakegu, blog-artikuluren bat aipatzen dudanean nik beti (edo gehien-gehienetan) bere helbidearekin aipatzen dut bertan sakatu eta artikulua bistaratu ahal izateko.

Blog baten zehar nola nabigatu? Hiru bide nagusi daude:

• Batetik, blogaren eskumako zutabean dagoen BILATU BLOGEAN tresna erabiliz,
  bilatu nahi dugun kontzeptua kutxan idatzi eta Bilatu botoi gainean sakatu, ikusi hurrengo irudietatik lehena
• Bestetik, blogaren eskumako zutabean dagoen ARTIKULUAK tresna erabiliz, gogoratu blog batean artikulu berriak goian kokatzen direla eta zaharrak beherantz doazela, ikusi hurrengo irudietatik bigarrena


• Azkenik, artikuluak etiketatu badira gure gaiarekin bat datorren etiketa gainean sakatu ahalko dugu, ikusi hurrengo irudietatik hirugarrena non ETIKETAK izeneko atala erakusten den

Hona hemen irudiak:

Kontzeptu baten bidezko bilaketa

Data edo denborarekiko ordena

Etiketa baten araberako iragazketa

KISS printzipioa

Ikusirik sistema informatikoak gero eta konplexuagoak direla, programak idazterakoan KISS printzipioa enuntziatu dute programadoreek. Horren arabera, programa informatikoekin lan egitean, honelaxe jokatu: Keep it Simple, Stupid.





Keep it Simple, Stupid: hau da, ez zaitez ergela izan eta zure programazioa zehatza eta laburra izan dadila, bide anitzen aurrean zure erabakiak erraztasunaren alde egin dezala.





Wikipediak KISS printzipio nola definitzen duen ikusteko esteka hau jarraitu. KISS printzipioa bizitzako arlo guztietan aplika daiteke eta Erdi Aroko Occam’s razor (edo Ockham-en labana) bezala ezagutzen den korronte filosofiko baten ondorioa da:

"Pluralitas non est ponenda sine necessitate"

(Pluraltasuna premiarik gabe ez da erabili behar)

Printzipio horren arabera, lehian diharduten bi teoriak (edo bi programak) ondorio berberak baldin badituzte, bietarik modu ekonomikoagoan ondorio berberak lortzen dituena zuzena izateko aukera gehiago ditu.

Gilen Ockhamgoa

Friedrich Nietzsche

Filosofoekin jarraituz, antzeko mezua igorri zigun Friedrich Nietzschek soiltasunaren alde hau idatzi zuenean: "Ura nahasi egiten dute, sakonak diruditen itxura emateko".